KABANATA I

SULIRANIN AT KALIGIRAN NG PAG-AARAL

PANIMULA

            Sa panahon ngayon, marami-rami na ring mga estudyante ang binabalewala nalang ang pagpasok sa klase. Minsan ang kadahilanan nito’y ang masasamang impluwensya ng barkada o kung minsan naman ay may sapat at katanggap-tanggap na dahilan ang mga mag-aaral.

            Sinabi ng ating pambansang bayani na si Dr. Jose P. Rizal na “Ang kabataan ang pag-asa ng bayan.” Ngunit, paano magiging pag-asa ng bayan ang mga kabataan kung sila mismo ay tumutungo sa maling landas at mas pinipili pa ang kanilang kagustuhan kaysa sa kanilang kinabukasan.

            Alam natin na ang madalas na pagliban sa klase ay nakakaapekto sa ating kinabukasan. Marami silang nalilibanang mga paksa sa klase, at dahil dito, makakaapekto ito sa kanilang mga grado at maari rin tong maging dahilan upang bumagsak sila at umulit nanaman sa asignaturang iyon.

LAYUNIN NG PAGAARAL

Ang layunin ng  pananaliksik na ito ay makatutulong upang malaman ng bawat isa ang epekto ng madalas na pagliban ng mga estudyante sa klase. Magsisilbi din itong gabay upang maiwasan na nila ang kanilang madalas na pagliban sa klase.

Sinasagot ng pananaliksik na ito ang mga sumusunod na katanungan:

1.    Ano ang dahilan ng estudyante kung bakit sila lumliban sa klase?

2.    Sa paanong paraan makakapaepekto ang paliban sa klase ng mga mag-aaral?

3.    Ano ang magiging epekto ng paliban ng mga mag-aaral sa klase?

KAHALAGAHAN NG PAG-AARAL

            Ang pananaliksik na ito ay mahalaga sapagkat ito ay magbibigay pakinabang sa mga sumusunod:

            Sa mga mag-aaral. Ito ay makakatulong sa kanila sapagkat mamumulat sila sa katotohanan na hindi maganda ang madalas na pagliban sa klase.

            Sa mga magulang. Ito rin ay magsisilbing gabay sa mga magulang upang magabayan nila ang kanilang mga anak at mapaalalahanan ito na huwag lumiban sa klase.

            Sa mga guro. Ito ay makatutulong sa mga guro sapagkat maaari silang gumawa ng hakbang upang hikayatin ang mga estudyante na dumalo sa klase.

            Sa mga susunod pang mananaliksik. Ito ay makatutulong sa kanila sapagkat maaari pa nila itong palawakin at biyan ng mas malawak na solusyon ang mga nabigay na suliranin.

SAKLAW AT LIMITASYON

            Sinasaklaw ng pananaliksik na ito, ang pagsusuri sa kung ano ang maging epekto ng pagliban sa klase ng mga mag-aaral at kung paano ito masusulusyunan.

Nakatuon ito sa  reaksyon at opinyon ng mga guro tungkol sa pananaliksik na ito. Ang pananaliksik na ito ay hango sa pananaw ng mga guro ng Filipino ng antas IED1.